من 4 دقائق .. الي .. 40 ثانية


الحدث : نهائيات مسابقة الليجو بمصر لهذا العام

الزمان : السادس من ابريل لعام 2012

المسابقة دي للاطفال من سن 9 – 16 سنة .. و أحد الاشياء الي المفروض بيعملوها انهم يقدموا عرض لمدة 5 دقائق للمشروع الي هما ابتكروة عشان يحل مشكلة معينة.

وكان هناك فريقنا العزيز ايزادورا  .. وفعلا انا في الايام الاخيرة ابتديت اشك مين بيدرب مين بالضبط ..  كان العرض متضمن لمشاهد ثلاث . منها مشهد في البادية .. وكانوا محتاجين ينصبوا خيمة علي المسرح في زمن اقصاة دقيقة واحدة قبل بداية العرض …

اول فكرة فكروا فيها انهم ينصبوها خارج المسرح و يدخلوها منصوبة .. لكن الفكرة مانفعتش لان باب الكواليس صغير جدا..

ومن هنا كان لازم ينصبوها علي المسرح ..

زمن دقيقة واحدة بالنسبة لنصب الخيمة كان شبة مستحيل بعد ماحاولوا اول محاولة واستغرقت 4 دقائق و نصف .. وكان كل التفكير ابتدا يروح لسكة مش هينفع تتركب علي المسرح.. اقتناعا منهم بأن مهما قللنا في الاربع دقائق مش هيوصلوا لدقيقة ابدا .. وكمان مافيش وقت نتدرب كتيير .. لسة فية حاجات تانية .. لان اليوم كبيير و طويل ..

فكروا ووصلوا لفكرة ..

طيب ماتيجو نركب الخيمة دلوقتي .. ونفكها بشكل يسهل علينا تركيبها ؟؟

وبدئوا في التنفيذ .. وكانت النتيجة انهم ركبوها في دقيقتين و شوية مش فاكر كام ..

وبدأ الامل يدخل انهم لو فكروا برة الصندوق .. هيوصلوها لدقيقة ..

بدئوا يشوفوا هو اية الي ممكن يوصلهم لدقيقة ؟؟

وكانت الاجابة ساحقة لي انا شخصيا ..

توزيع الافراد علي مناطق معينة في الخيمة .. ليتحركو جميعا في نفس الوقت للتجميع و التشبيك واعطاء الخيمة شكلها من اسفل لاعلي .. وليكن شخص مسئول عن الربط من اعلي .. ثم التثبيت من اسفل في النهاية ..

وفي هذة المرة استغرقوا 45 ثانية

ولكم ان تتخيلوا كم كانت هذة اللحظة مليئة بصيحات النصر ..

ولكم هذة المفاجئة .. لم يستغرقوا اكثر من نصف دقيقة علي المسرح لينصبوا الخيمة .. وهم بملابس العرض الغير مريحة

وكان العرض رائعا .. وغريبا في نفس الوقت .. اكتبة لكم في نوت اخري

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s