حوار مع طفلي شارع


قامت مريم – 13 سنه – بهذا الحوار مع طفلين في الشارع وطلبت منها نشره كخطوه لتضيق المسافه بين ما يراه الناس و مايمكن ان يعرفوه بالاقتراب اكثر 

الطفل الأول : السن 10 سنوات

انت بتروح مدرسه ؟
قال أيوه
وعامل ايه فيها؟
كويس بس في المدرسه بيضربونا جامد أوي ويقولوا ان انتم زباله وملكوش لزمه
قلت له وانت بتعمل حاجه ولا هما بيضربوك كده وخلاص؟
والله مش بعمل حاجه بس لو اطلخبطت في حاجه او عملت اي حاجه بيضربوا وخلاص
قلت انت عملت ايه السنه الي فاتت؟
قال انا نقصت 50 درجه
قلت له كتير كده !!  .. لم يرد
قلت مامتك وباباك عايشين؟
قال الحمد الله
طب انت بتشتغل عشان انت عايز ولا باباك قالك كده؟
قال انا حسيت ان بابا مش قادر علي المصاريف فا قلت انا هنزل اشتغل زي اخواتي
بتلحق تزاكر ؟!
قال ما انا بروح البيت اعمل واجباتي وازاكر علي طول وانزل
قلت له باباك بيشتغل؟
قال أيوه
قلت ايه؟
قال بياع في الشارع
مامتك؟
قال انا ماما تعبانه ومش بتشتغل
قلت أنتم ساكنين فين ؟
قال مكان غريب كده انا مش عارفه ايه هو وقالي في الاخر بنتجمع ونقسم الفلوس علينا كلنا
وقال كل شهر كده او شهرين بيجم ولاد اكبر مننا يجروا ورانا ويقولوا حرميه والناس تفضل تضرب فينا وتاخد الفلوس وتمشي وساعتها ابويا مش بيدخلني البيت غير لما اجمع زيهم
قلت بتعمل ايه في العيد؟
قال العيد كمان الناس بيبقي معاها فلوس فاحنا بنقسم نفسنا الاربع ايام ونروح اماكن بتبقي كويسه والناس بتاعتها يبقوا طيبين
اشمعنا طيبين؟
قال عشان في ناس بتفضل تقول علينا كلام وانا بفضل اعيط وأحس اني معفن أوي
وبعد كده قال ونفضل بقي كده من مكان لمكان نمسح في العربيات

وانت بتاخد فلوس ولا؟
قال لا انا بديهم لبابا
ومش بتاخد منهم حبه؟
قال انا مش بخش حتيتنا غير لما يفتشوني وياخدوا كل الي معايا

من الي فهمته ان هو بيديها لباباه وابوه يجمع كل الي بيشغلوا ولادهم (يعني الي بيشغل ولاده وداخل معاهم) ويفرقوا عليهم – الي مجمع اكتر ياخد اكتر , في ناس بتقول انا اخد الي معايا والي مع ولادي والموضوع يتقفل وفي الي يشغل العيال اربعة وعشرين ساعه عشان ياخد اكتر وفي الي بيخطف عيال عشان الموضوع ده. يعني فيه الي الي بيشغل ولاده وقال انا معاكم والناس تقول انا هكتفي بي شغلي وشغل عيالي.وفي الي شغل ولاده ليل ونهار عشان يجمع اكتر وياخد اكتر

الطفل الثاني : السن 12 سنه

ابوه راح عند دكتور حكومه اداله دواء غلط فعياه اكتر و النتيجه انه مش بيشتغل
ابوه مش بيشتغل ومامته هي الي بتشتغل
وسألته  انت ممكن تشيل مثلا مطاوي او حاجات من دي عشان لو بقيت في موقف زي بتوع الولاد الي بياخدوا الفلوس؟
قال ما انا بتدرب علي ماسكتها الاول عشان معورش نافسي
قلت له ازاي؟
باروح عند واحد يعلمني واول ما اتعلم هبقي اشيلها
قلت ومش خايف تخش القسم؟
قال احسن من المرمطه الي انا فيها
انت شكلك مش راضي علي عيشتك؟
قال لو مكاني هترضي ابوكي عيان ومامتك بتشتغل وانتي بتتهزئي كل يوم من كل الناس الصغير والكبير – هتقدري تعيشي؟
قلت  الحمد الله علي كل شيء – وماحدش عارف الخير لمين او لفين – مش ممكن فيوم انت تكون احسن مني في حاجات او انت يكون عندك حاجه مش عندي او عند اي حد
ازي يعني مش فاهمك ؟!
انت مش بتروح المدرسه وعندك ام واب؟
ايوه
في غيرك معندهمش ام واب وعايشين في الشارع ومش لائيين أكل بجد – مع زلك بيقولوا الحمد الله – ومش انت بتقول انت شاطر في المدرسه؟
ايوه
قلت  لو بقيت حاجه كويسه الفلوس هتترمي عليك وانت قاعد رجل علي رجل
شفت علي وشه ثقه بنفسه ومن ملامحه احساس بالفرحه
قطعتهاله وقلت الفلوس مش اي حاجه

هي دي ملخص حكايه طفلين من اطفال الشوارع .. حالتهم مش اسوأ حاجه ممكن تسمعها .. بالعكس يمكن مرفهين جدا .. كل واحد ممكن يتعمل عليه مسلسل .. لسه المشوار طويل .. بس أكيد هنوصل

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s